'သူ'တွင် စိတ်နေသဘောထား မွန်မြတ်လှသော ဆရာဝန်ကိုမြင့်မောင်၏ လေးစားချီးကျူးဖွယ်ကောင်းသော ကိုယ်ကျိုးစွန့်အနစ်နာခံစိတ်၊ ပရဟိတစိတ်ဓါတ်နှင့် အမူအကျင့်တို့ကို တသသစွဲမက်အောင် ရေးဖွဲ့ထားသည်။” ကျွန်တော်တို့သည် ရွှေလင်းယုန်၏ သူဝတ္ထုကြီးမှ ဇာတ်ကောင် ဖြစ်သော ဆရာဝန် ကိုမြင့်မောင်ကိုဖတ်ရင်း စာရေးဆရာကြီး ရွှေလင်းယုန်၏ စာပေနိုင်နင်းကျွမ်းကျင်မှုကို တွေ့မြင်ကြရသည်။ ဆရာဝန်ကိုမြင့်မောင်ကို စာဖတ်သူတို့သည် ကြင်နာသနားလျက် စုတ် တသပ်သပ်ဖြစ်လာမိအောင် ဖန်တီးနိုင်သည့် ကလောင်စွမ်းအားမှာ ကြီးမားလှပါပေသည်ဟု ချီးကျူးပြောဆိုကြရသည်အထိ အောင်မြင် သောဝတ္ထုကြီးအဖြစ် မြန်မာစာပေလောကတွင် ရုပ်တည်လျက်ရှိနေ သည်။

စာရေးဆရာကြီးရွှေလင်းယုန်သည် ထူးခြားသော စာပေပညာရှင် တစ်ဦးဖြစ်ပြီး သူ၏စိတ်နေစိတ်ထား အယူအဆ အတွေးအခေါ်တို့ သည်လူသားတို့အား သူတစ်ပါးအတွက် အနစ်နာခံသောစိတ် သူတစ်ပါး ၏အကျိုးစီးပွားကို သယ်ပိုးလိုသောစိတ်၊ မိမိကိုယ်ကျိုးကိုစွန့်၍ စိတ် ကောင်းစိတ်မြတ်ထားသော စိတ်တို့ဖြင့် လွှမ်းခြုံ စိုးမိုးလျက်ရှိကြောင်း သတိပြုမိသည်။ ဤစိတ်ဓါတ်တို့ရှိနေခြင်းကြောင့်ပင်လျှင် သူ၏ ဝတ္ထု ကြီးများ၌ ဖြူစင်သော စေတနာတရားတို့ကို ထိန်လင်းစွာ တွေ့မြင် ကြရပါသည်။

ယခုတင်ပြလိုက်သော “သူ”ဝတ္ထုကြီးသည် စာဖတ်ကြ သူတို့အဖို့ တစ်ကြိမ်ဖတ်လျှင်ပင် တစ်သက်လုံးမမေ့နိုင်အောင် ဂရုဏာရသမြောက်လှပြီး လက်ရာကောင်းမွန်လှကြောင်း မျှဝေခံစားနိုင်ကြရန် ပြောပြလိုက်ပါသည်။ ယနေ့ လူငယ်စာရေးဆရာများအနေဖြင့်လည်း တိုင်းပြည်အတွက် လူမျိုးအတွက် ဦးတည်ချက်ကောင်းကောင်းဖြင့် စာရေးကြရာတွင် ဤရွှေလင်းယုန်၏ ‘သူ’ဝတ္ထုကြီး သည် နမူနာအဖြစ် ဖတ်ရှုလေ့လာသင့်ပါကြောင်း မေတ္တာတရားဖြင့် ပြောကြားလိုက်ပါသည်။