ကျွန်ုပ်၏ ထင်မြင်ယူဆချက်မှာ သန်းချီသောသူများသည် ထရီလီယံချီသော အမေရိကန်ဒေါ်လာတို့ကို ဆုံးရှုံးသွားကြရသည်မှာ သူတို့၏ ငွေကို မည်သည့် နေရာတွင် ရင်းနှီးမြှုပ်နှံရမည်နည်းဆိုသည့် မေးခွန်းအတွက် ခပ်လွယ်လွယ်အဖြေကို ရှာကြသော ကြောင့် ဖြစ် သည်။ လူအများအပြားတို့တွင် ခပ်လွယ်လွယ်အဖြေများကို ပေးဖို့ အဆင်သင့် ရှိထားပြီးသား ဖြစ်သည်။

• ငွေကို စုဆောင်းပါ • အမျိုးမျိုးခက်ဖြာပြီး ရေရှည်အတွက် ရင်းနှီးမြှုပ်နှံပါ • အကြွေးဝယ်ကတ် သုံးစွဲခြင်းကို ရပ်ပါ။ အကြွေးနွံထဲမှ ထွက်ပါ

ဤစာအုပ်သည် ခပ်လွယ်လွယ် အဖြေများကို လိုချင်သည့်သူများအတွက် ရေးသားထားခြင်း မဟုတ်ပါ။ သင်သည် လူအများစုတို့က သဘောတူလက်ခံဖို့ ပါပါ လာလာ ရှိကြမည့် အလွန်အကျွံ လွယ်ကူရှင်းလင်းသော ငွေရေးကြေးရေး အဖြေများကို နှစ်သက်သူ ဖြစ်ပါက ဤစာအုပ်သည် သင့်အတွက် ဟုတ်မည် မထင်ပါ။ ကျွန်ုပ်၏ အဖြေများသည် လူအများစုတို့အဖို့ ခက်ခဲလွန်းနေမည် ဖြစ်သည်။

ဤစာအုပ်သည် မိမိ၏ ငွေအပေါ် ထိန်းကျောင်းမှု ပိုမိုရှိလိုသော သူများအတွက်သာ ရေးသားထားခြင်း ဖြစ်သည်။ မိမိ၏ ငွေဖြင့် ငွေ အမြောက်အမြား ပိုရအောင် လုပ်လိုသူများ အတွက်သာ ဖြစ်သည်။ ဤသည်ကိုသင်စိတ်ဝင်စားသည်ဆိုပါက ဆက်လက်ဖတ်ရှုပါ။