ကက်စပါဇော်

ကက်စပါဇော်ကို ၁၉၈၁ ခုနှစ်တွင် မန္တလေးမြို့ စိန်ပန်း၊ ဖောင်တော်ရပ်၌ အဖ ဦးတင်မောင်၊ အမိ ဒေါ်တူးတို့မှ မွေးဖွားခဲ့ပြီး အမည်ရင်းမှာ ဇော်ဇော်မောင် ဖြစ်သည်။ (၁၉၉၈) ခုနှစ်တွင် အခြေခံပညာ အထက်တန်း၊ တက္ကသိုလ်ဝင်စာမေးပွဲကို အောင်မြင်ခဲ့သည်။ ရန်ကုန်နည်းပညာတက္ကသိုလ်မှ နည်းပညာ ဒီပလိုမာ (အဆောက်အဦ) ဘွဲ့ကိုရရှိခဲ့ပြီး ရန်ကုန်စီးပွားရေး တက္ကသိုလ်တွင် ဆက်လက်ပညာသင်ကြားကာ BBA နှင့် MBA ဘွဲ့များကို ရရှိခဲ့ပါသည်။ ပြည်တွင်းနှင့် နိုင်ငံတကာ ကုမ္ပဏီကြီးများတွင် အရောင်းနှင့် စျေးကွက်ဖော်ဆောင်ရေး ဝန်ထမ်းအဖြစ် ဝင်ရောက်လုပ်ကိုင်ခဲ့ပြီး လက်ရှိအချိန်တွင် EY UTW Advisory Limited တွင် Manager (Strategy and Transaction) အဖြစ်တာဝန်ထမ်းဆောင်လျှက်ရှိပါသည်။ HR Journal တွင်စီးပွားရေး၊ အရောင်းနှင့် စျေးကွက်ဖော်ဆောင်ရေးဆိုင်ရာ ဘာသာပြန်ဆောင်းပါးများ ရေးသားခဲ့သည်။ The Courage to be Disliked (လူမကြိုက်တာခံရဲ့တဲ့ သတ္တိ) ၊ The Courage to be Happy (ပျော်ရွှင်ဖို့လိုအပ်တဲ့သတ္တိ) ၊ The Art of Thinking Clearly (ရှင်းလင်းစွာစဉ်းစားခြင်းအနုပညာ) ၊ The Hidden Harmony (ပုန်းကွယ်နေတဲ့သဟဇာတဖြစ်မှု) စာအုပ်များကိုထုတ်ဝေခဲ့ပြီးဖြစ်သည်။ လက်ရှိအချိန်တွင် ရန်ကုန်မြို့တွင် ဇနီး ဒေါ်မျိုးပပလင်း၊ သား မောင်သုတဇော်တို့နှင့်အတူ နေထိုင်လျှက်ရှိပြီး ဘာသာပြန်စာပေရေးသားခြင်းများကို လုပ်ကိုင်ဆောင်ရွက် လျှက်ရှိပါသည်။