လည်ပင်းရှည်ကြီးပေါ်တွင် ကြေးကွင်းစွပ်သော ရိုးရာကြောင့် ကမ္ဘာပေါ်တွင် ထင်ရှားသော ပဒေါင်လူမျိုးတစ်ဦးအဖြစ် ရှမ်းပြည်နယ်တွင် မွေးဖွားခဲ့သူ၊ ၈၈ အရေးအခင်းကြီးတွင် ပါဝင်ပြီးနောက် ဒေသခံအာဏာပိုင်များနှင့် ပဋိပက္ခဖြစ်ကာ နယ်စပ်သို့ ထွက်ပြေးခဲ့သူ၊ ထိုင်း - မြန်မာနယ်စပ်တွင် တော်လှန်ရေးကျောင်းသားအဖြစ် နေထိုင်လှုပ်ရှားပြီးနောက် တတိယနိုင်ငံ အင်္ဂလန်သို့ရောက်ရှိပညာသင်ယူကာ ကိန်းဘရစ်ချ်တက္ကသိုလ်မှ ဘွဲ့ရယူခဲ့သူ ပါစကယ်ခူးသွယ် (Pascal Khoo Thwe) 607:300:90p From The Land of Green Ghosts (A Burmese Odyssey) စာအုပ်ကို ဘာသာပြန်ဆိုထားခြင်း ဖြစ်သည်။ အံ့အားသင့်စရာ စိတ်လှုပ်ရှားစရာ ဖြစ်ရပ်မှန် ဇာတ်လမ်းဖြစ်သည့်အပြင် ခေတ်သစ်မြန်မာနိုင်ငံ၏ ကြောက်စရာ အမှောင်ခြမ်းများ၊ ရှေးဟောင်း လူမျိုးစုများ၏ ဓလေ့ထုံးစံများ၊ ယုံကြည်မှုများ၊ မတော်မနမ်း ဟာသမြောက်ကွက်များ၊ တောတွင်း တိုက်ပွဲများကို စာအုပ်တွင် စိတ်ဝင်စားဖွယ် ဖတ်ရှုလေ့လာကြရမည် ဖြစ်သည်။ တစ်နည်းအားဖြင့် ကြေးခေတ်လူမျိုးစုတစ်စုက လူငယ်တစ်ယောက် ကမ္ဘာ့ထိပ်တန်းဆိုသည့် အနောက်တိုင်း တက္ကသိုလ်ကြီးတစ်ခုအထိ အောင်အောင်မြင်မြင် ပေါက်ရောက်အောင် ပညာသင်ရောက်ခဲ့သည့် ကိုယ်တိုင်ရေးပုံတူဟုလည်း ဆိုနိုင်သည်။ လူရွှင်တော် ဇာဂနာက အမှာစာရေးပေးထားရာ၌ “ ကျွန်တော့်အနေနဲ့ ကမ္ဘာ့အဆင့်မီ ရုပ်ရှင်ရိုက်ဖြစ်မယ်ဆိုရင် ကယန်းတိုင်းရင်းသား ပါစကယ်ခူးသွယ် ရဲ့ စာအုပ်ကို ရိုက်ချင်တယ်။ တိုင်းရင်းသားတစ်ယောက်ရဲ့ အင်္ဂလိပ်လို ရေးတဲ့လက်ရာဒ ပဒေါင် ၊ အဖွားရဲ့ ပုံပြင်နဲ့ ကြီးလာခဲ့တဲ့ တော်လှန်ရေးကျောင်းသားကြီး။ ဒီစာအုပ်ဖတ်ပြီး အလေးပြု လိုက်ပါ တယ် ရဲဘော်ကြီး။ ... ” ဟု ဆိုထားသည်။ မူရင်းစာအုပ်သည် စာပေဆုများ၌ ဂုဏ်သိက္ခာကြီးများ သည့် တောင်အာရှအကောင်းဆုံး စာပေဆု (KIRIYAMA PACIFIC RIM) ဆုကိုလည်း ၂၀၀၂ ခုနှစ်၌ ဆွတ်ခူးနိုင်ခဲ့သည်။